Бүгд Найрамдах Солонгос Улсын (БНСУ) Засгийн Газраас Монгол улсын иргэд болон Монгол улсад оршин суугаа гуравдагч орны иргэдийн виз мэдүүлэгтэй холбоотой мэдээлэл, үйлчилгээг Улаанбаатар хот дахь Солонгосын Виз Мэдүүлэх Төв (СВМТ) дамжуулан үзүүлэх албан ёсны эрхийг Олон Улсын Шилжилт Хөдөлгөөний Байгууллагад (ОУШХБ) олгосон болно.

Та визний материалаа бүрдүүлж эхлэхээс өмнө, БНСУ-д визгүй зорчих орны иргэн мөн эсэхээ энд дарж шалгана уу.  

ОУШХБ-ын Солонгосын Виз Мэдүүлэх Төв (СВМТ) нь дараах үйлчилгээг үзүүлнэ: 

  • Ерөнхий мэдээллийн үйлчилгээ (Виз мэдүүлэгчдэд болон Төлөөлөн гүйцэтгэх байгууллагуудад)
  • Визний шаардлагад нийцүүлэн Виз мэдүүлгийн маягт, Бүрдүүлэх материалын жагсаалтыг тараах
  • Визний материалыг хүлээн авах (Паспорт болон бусад шаардлагатай бичиг баримтууд) 
  • Бүрдүүлж ирсэн бичиг баримтын бүрэн эсэхийг шалгах.
  • Виз мэдүүлэг болон үйлчилгээний хураамжийг авах
  • Солонгосын визний албан ёсны цахим хуудсанд виз мэдүүлэгчийн хувийн мэдээллийг оруулах
  • Виз мэдүүлэгчийн материалыг БНСУ-ын ЭСЯ-д хүргэж өгөх, гарсан хариуг хүлээн авах
  • Паспорт болон бусад нэмэлт бичиг баримтыг буцаан олгох (Виз мэдүүлэгчдэд болон Төлөөлөн гүйцэтгэх байгууллагуудад)  
  • Виз мэдүүлэгчийн болон БНСУ-ын ЗГ-ын шаардлагын дагуу бусад үйлчилгээг үзүүлэх

Виза Файндер

Виз мэдүүлэх материалын жагсаалт “Виза файндер”-т гарсан өөрчлөлтийг энд дарж татаж авна уу.

 

Визний шийдвэр хүлээх

Виз мэдүүлэх явцыг шалгахдаа БНСУ-ын виза портал (visa.go.kr)-ын виз мэдүүлгийн үйл явцыг шалгах, хэвлэх хэсэгт хандана уу.

  • Виз мэдүүлгийн үйл явцыг шалгах дээр дарж орсны дараа “Дипломат байгууллага” гэдгийг сонгоно.
  • Виз мэдүүлэгчийн паспортын дугаар, паспорт дээрх овог, нэр, төрсөн он сар өдрийг оруулж шалгана.

 

Виз мэдүүлгийн цаг авахад  үнэ төлбөргүй болохыг анхаарна уу.

KVAC-т виз мэдүүлэх бол зөвхөн цахим хаяг (kvacmninfo@iom.int) болон утсаар (+976) 7766-8888) холбогдон цагаа урьдчилан авна.  Виз мэдүүлэх цаг авахад ямар ч нэмэлт төлбөр шаарддаггүй ба хэрэв хэн нэгэн таньд цаг захиалж өгөн нэмэлт төлбөр төлөхийг шаардвал энэхүү хууль бус үйлдлийг бидэнд яаралтай мэдэгдэнэ үү. 

 

 

Хуурамч вэбсайтын талаар анхааруулах нь

Хуурамч вэбсайт болон визний сайтуудаас болгоомжилно уу. Солонгосын визний портал сайтыг дуурайсан хуурамч вэбсайт (visa-kr.com, visacheck.asia, www.visacheck.com.vn) байгааг олж тогтоолоо. Визтэй холбоотой албан ёсны вэбсайтууд нь www.visa.go.kr болон Солонгосын виз мэдүүлгийн төвийн www.visaforkorea.mn болно.

 

Солонгосын виз гаргаж өгнө гэсэн нэрийдлээр 10 сая төгрөг нэхэмжилж буй залилангийн хэрэг гарч байна. БНСУ-ын ЭСЯ болон Солонгосын Виз Мэдүүлэх Төв нь тухайн залилан хийж буй этгээдүүдтэй ямар ч байдлаар хамтран ажилладаггүй болохыг анхаарна уу.  Солонгосын Виз Мэдүүлэх Төв -ийн үйлчилгээний хураамж 57000₮ болно.